Яңалыклар

Бүген Казанда, Кеше хокуклары буенча вәкаләтле вәкил аппараты мәйданчыгында көн дәвамында Татарстанда хәрбиләргә ярдәм итү мәсьәләләре буенча «Хатын-кыз игътибары» кайнар линиясе эшләде. Татарстанлыларның сорауларына Дәүләт Советы Секретаре Лилия Маврина, «Мәрхәмәт-Милосердие» хатын- кыз депутатлар депутат берләшмәсе җитәкчесе урынбасары Ольга Воронова, парламент депутатлары Ирина Терентьева, Елена Кузьмичева, Рима Мөхәммәдшина һәм Алсу Надршина, Татарстан Республикасында Кеше хокуклары буенча вәкаләтле вәкил Сәрия Сабурская, Казан гарнизоны Хәрби прокуратурасы,  профильле министрлыклар һәм ведомстволар вәкилләре җавап бирде. Депутатларга һәм белгечләргә ярдәм һәм консультация сорап республиканың утызлап  кешесе мөрәҗәгать итте.

Дәүләт Советы депутатларының сайлау округларында эше дәвам итә. Бу атнада парламентарийлар гражданнарны кабул иттеләр, республика муниципалитетларында социаль учреждениеләрдә булдылар, республика конкурсларында җиңүчеләрне бүләкләү тантанасында катнаштылар.  

Татарстанда онкология һәм онкогематология хезмәтен үстерү мәсьәләләре турында Дәүләт Советында киңәйтелгән эш киңәшмәсендә фикер алыштылар, аны уздыру инициативасы белән РФ ФС Дәүләт Думасының Сәламәтлек саклау комитеты һәм «Бердәм Россия» партиясенең Генераль советының Сәламәтлек саклау комиссиясе чыккан иде. Республика җитәкчелеге исеменнән киңәшмәдә катнашучыларны Дәүләт Советы Рәисе Фәрит Мөхәммәтшин сәламләде.

Бүген Дәүләт Советында уналтынчы утырыш кысаларында депутатлар Сәламәтлек саклау өлкәсендә күзәтчелек буенча федераль хезмәтнең Татарстан Республикасы буенча территориаль органы эшчәнлеге турында мәгълүмат тыңладылар. Бу мәсьәлә буенча доклад белән ведомство җитәкчесе Владислав Виниченко чыгыш ясады.

«Бүген Дәүләт Советы утырышында икенче укылышта һәм тулаем кабул ителгән 2026 елга һәм 2027 һәм 2028 еллар план чорына республика бюджеты балансланган, ул үзенең югары социаль юнәлешен һәм программа юнәлешен саклап калды». Бүген ТР Дәүләт Советы Рәисе Фәрит Мөхәммәтшин парламентның уналтынчы утырышында республиканың төп финанс законы кабул ителгәннән соң журналистлар белән аралашканда шулай дип белдерде.

Бүген Дәүләт Советы утырышында парламентарийлар рейтинглы тавыш бирү юлы белән республика Иҗтимагый палатасының Дәүләт Советы тарафыннан сайлана торган 20 әгъзасын расладылар.

Бүген Дәүләт Советында парламентның уналтынчы утырышы кысаларында традицион «Подписка бүләк ит» хәйрия акциясе оештырылды. Утырыш тәнәфесендә депутатлар 2026 елның беренче яртыеллыгына республиканың социаль учреждениеләре өчен газета-журналларга язылдылар.

Депутатларга 2026 елга Дәүләт Советының закон проекты эшенең якынча планын әзерләү барышы турында мәгълүматны Законлылык һәм хокук тәртибе комитеты рәисе урынбасары Ринат Фазылов җиткерде.

Бүген Конституция советы турында республика законына үзгәрешләр кертү хакында закон проекты Дәүләт Советы утырышында беренче укылышта һәм тулаем кабул ителде. Документны тәкъдим итеп, Дәүләт Советы Рәисе урынбасары Юрий Камалтынов закон Татарстан Республикасы Конституция советы эшчәнлеген камилләштерү, аның вәкаләтләре өлкәсен киңәйтү максатларында эшләнгәнлеген билгеләп үтте.

Бүген Дәүләт Советы утырышында инвестиция эшчәнлеге турында республика законының аерым статьяларына үзгәрешләр кертү хакында закон проекты беренче укылышта һәм тулаем  кабул ителде.  Закон капитал салуларны яклау һәм кызыксындыру өлкәсендә законнар базасын камилләштерүгә юнәлдерелгән, бигрәк тә дәүләт ярдәме чаралары өлешендә.