Яңалыклар

Бүген Дәүләт Советы Рәисе Фәрит Мөхәммәтшин Аксубай районына эш сәфәрендә, анда ул район Советының хисап сессиясендә катнаша. Утырыш башланыр алдыннан парламент башлыгы «Аксу» футбол манежында булды, яшь футболчыларны һәм тренерларны өй туе белән котлады, яңа җиңүләр һәм уңышлар теләде.

Җиденче чакырылыш Дәүләт Советының җиденче утырышы, язгы сессиядә беренчесе, 20 февральдә узачак. Бүген парламент Президиумы утырышында шундый карар кабул ителде. Депутатлар 22 мәсьәләне, шул исәптән 13 республика законы проектын һәм бер федераль закон проектын карарга планлаштыра.

Бүген мәгариф инфраструктурасын модернизацияләү буенча бөтенроссия штабында мәктәпләрне һәм балалар бакчаларын капиталь ремонтлау программасын гамәлгә ашыру нәтиҗәләре турында фикер алыштылар. Видеоэлемтә режимында узган киңәшмәдә Дәүләт Советы Рәисе, «Бердәм Россия» партиясенең Татарстан төбәк бүлеге Секретаре Фәрит Мөхәммәтшин катнашты.

Бүген Дәүләт Советы Рәисе урынбасары Юрий Камалтынов эш сәфәре белән Балык Бистәсе районына барды, анда Балык Бистәсе муниципаль районы Советының хисап сессиясендә катнашты, балалар сәнгать мәктәбенең яңа бинасын карады, педагоглар һәм укучылар белән аралашты.

Бүген ТР Дәүләт Советы Рәисе урынбасары Марат Әхмәтов Апас район  Советының йомгаклау утырышында катнашты.

Бүген Дәүләт Советында Бюджет, салымнар һәм финанс комитетының һәм комитет каршындагы Эксперт советының уртак утырышы узды, анда парламентарийлар инвестицион салым кредиты турындагы республика законына үзгәрешләр кертү турындагы закон проекты турында фикер алыштылар, хатын-кызлар һәм балалар сәламәтлеген саклау буенча чараларны гамәлгә ашыруга, шулай ук күпфатирлы йортларның техник торышны яхшыртуга юнәлдерелгән бюджет акчаларын нәтиҗәле куллану аудитына йомгак ясадылар. Комитет утырышында Хисап палатасының тиешле хисаплары тәкъдим ителде.

Бүген КФУда мәгариф, мәдәният, фән һәм милли мәсьәләләр комитетының һәм Комитет каршындагы Эксперт советының уртак күчмә утырышы булды, анда парламентарийлар «Приоритет-2030» программасы кысаларында Казан университетын үстерү программасын гамәлгә ашыру мәсьәләләре буенча фикер алышты. Шулай ук депутатлар «Ватаным Татарстан» һәм «Республика Татарстан» газеталарының 2024 елдагы эшчәнлеге турында хисап чыгышлар тыңлады. Утырышта мәгариф турындагы республика законына үзгәрешләр кертүгә кагылышлы закон проектларын карадылар. Утырышны Мәгариф, мәдәният, фән һәм милли мәсьәләләр комитеты рәисе Айрат Зарипов үткәрде.

Дәүләт Советы депутатлары фикеренчә, республика икътисады тармакларының тар махсуслашкан һәм югары квалификацияле ИТ-белгечләргә, шулай ук мондый белгечләр әзерләү өчен квалификацияле педагогларга ихтыяҗын канәгатьләндерү буенча эшне көчәйтергә кирәк. Бүген Икътисад, инвестицияләр һәм эшмәкәрлек комитеты утырышында IT-технологияләр өлкәсендә кече технологик компанияләр һәм предприятиеләр үсеше мәсьәләләре турында фикер алыштылар. Парламентарийлар шулай ук инвестицион эшчәнлек турында республика законына үзгәрешләр кертү турында закон проектын карадылар.

Бүген Бюджет, салымнар һәм финанс комитеты рәисе Леонид Якунин һәм Дәүләт Советы депутаты Эдуард Шәрәфиев КФУның юридик факультетының икенче курс студентлары белән очрашты. Очрашу республика парламентында узды.

Бүген Тукай районы Советының хисап утырышында 2024 елдагы эшкә йомгак ясалды, аның эшендә Дәүләт Советы Рәисе Фәрит Мөхәммәтшин катнашты. Моннан тыш, муниципаль депутатлар 2025 елга бурычлар турында фикер алыштылар. Тукай районына эш сәфәре кысаларында Фәрит Мөхәммәтшин шулай ук «РаРитэк» автомобиль заводында булды, җитәкчеләр һәм хезмәткәрләр белән аралашты, предприятиедә гамәлгә ашырыла торган инновацион проектлар белән танышты.