Яңалыклар

Бүген «Казан Экспо» мәйданчыгында «Россия – Ислам дөньясы: KazanForum 2024» XV халыкара икътисадый форумы кысаларында «Хатын-кыз карашы» трегы ачылды. Трек кысаларында катнашучылар традицион гаилә һәм әхлакый кыйммәтләрне саклау һәм популярлаштыру, аналарны һәм балаларны яклау, хатын-кызлар сәламәтлеге һәм туклануы, матурлык һәм мода мәсьәләләре буенча фикер алышачаклар. Форум кысаларында инде икенче ел рәттән уза торган «Хатын-кыз карашы» трегын  Дәүләт Советының «Мәрхәмәт-Милосердие» хатын-кыз депутатлар берләшмәсе әгъзалары оештыра.

Бүген «Россия - Ислам дөньясы: Казанфорум-2024» ХV халыкара икътисадый форумы кырында Дәүләт Советы Рәисе Фәрит Мөхәммәтшин Минск өлкәсе депутатлар Советы рәисе Наталья Якубицкая белән очрашты. Яклар парламентара элемтәләрне алга таба үстерү һәм Россия-Беларусь берлеге хезмәттәшлеге кысаларында төбәкләр арасында эшчәнлекне киңәйтү мәсьәләләрен тикшерде.

Дәүләт Советы Рәисе Фәрит Мөхәммәтшин танылган иҗтимагый һәм сәяси эшлекле, 2018-2023 елларда Ислам Хезмәттәшлеге Оешмасы каршында Россия Федерациясенең даими вәкиле, фәлсәфә фәннәре докторы, профессор, Россия Табигый фәннәр академиясе әгъзасы, культурология, тарих һәм милләтара мөнәсәбәтләр өлкәсендә белгеч Рамазан Абдулатипов белән очрашты. Очрашу бүген Казан Экспо мәйданчыгында узды.

Бүген Дәүләт Советы Рәисе Фәрит Мөхәммәтшин Россиянең танылган иҗтимагый һәм сәяси эшлеклесе, Алтай Республикасы Дәүләт Җыены-Эл Королтаеның экс-рәисе (2006 елдан 2016 елга кадәр) Иван Белеков белән очрашты. Республика парламентында узган очрашуда милли мәдәниятләрне һәм традицияләрне, туган телләрне саклау һәм үстерү мәсьәләләре турында сүз барды.

«Мәрхәмәт – Милосердие» берләшмәсе депутатлары Әзербайҗан Республикасының Кеше хокуклары буенча Вәкаләтле вәкиле Сабина Алиева белән очраштылар. Бүген республика парламентында узган очрашуда кеше хокуклары һәм ирекләре, гаиләне, аналарны һәм балаларны яклау, киләчәктә уртак хезмәттәшлек турында сөйләштеләр.

Дәүләт Думасы депутатлары бүген пленар утырышта Россия Федерациясе Хөкүмәте рәисе Михаил Мишустин тарафыннан РФ Хөкүмәте Рәисенең беренче урынбасары һәм урынбасарлары вазыйфасына кертелгән кандидатураларны  расладылар. Утырышта видеоэлемтә режимында Татарстан Дәүләт Советы Рәисе Фәрит Мөхәммәтшин катнашты.

Татарстан Дәүләт Советы Рәисе Фәрит Мөхәммәтшин видеоэлемтә режимында РФ Федераль Собраниесе Дәүләт Думасының пленар утырышында катнашты. Пленар утырыш кысаларында Россия Федерациясе Хөкүмәте рәисе кандидатурасын раслау мәсьәләсе каралды. Бу вазыйфага Россия Президенты Владимир Путин Михаил Мишустинны билгеләргә тәкъдим итте. Депутатлар бертавыштан ил Президентының тәкъдимен хуплады, РФ Хөкүмәте башлыгы вазифасына дәгъва итүче өчен 375 тавыш бирелде.

Бүген иртән, Җиңү көнендә, Казандагы Архангел зиратында Дәүләт Советы Рәисе Фәрит Мөхәммәтшин, республика парламенты депутатлары, Казан мэриясе вәкилләре, Дәүләт Советы Аппараты хезмәткәрләре, Бөек Ватан сугышы ветераннары, иҗтимагый оешма вәкилләре «Сугышчы» монументына, шулай ук сугыш вакытында Казан госпитальләрендә үлгән сугышчы-интернационалистларга истәлек билгесенә веноклар һәм чәчәкләр салдылар.

Бөек Ватан сугышы ветераннары Валентин Лысак һәм Таһир Мурзин бүген Җиңү көне уңаеннан котлаулар кабул иттеләр. Дәүләт Советы Рәисе, «Бердәм Россия» Бөтенроссия сәяси партиясенең Татарстан төбәк бүлеге Секретаре Фәрит Мөхәммәтшин аларга видеоэлемтә аша шалтыратты.

РФ ФС Дәүләт Думасы Рәисе Вячеслав Володин Җиңү көне белән котлады. Россия парламентының түбән палатасы спикеры Дәүләт Советы Рәисе Фәрит Мөхәммәтшин адресына котлау телеграммасы җибәрде.