Яңалыклар

Бүген парламент утырышында Дәүләт Советы депутаты статусы турында республика законына үзгәрешләр кертү хакында закон проекты беренче укылышта һәм тулаем алганда кабул ителде. Закон проекты тарафыннан депутат җаваплылыгының яңа чаралары һәм аларны куллану өчен нигезләр каралган.

Парламентарийлар Татарстан Адвокатлар палатасының квалификация комиссиясе әгъзаларын расладылар. Кандидатларны законлылык һәм хокук тәртибе комитеты рәисе урынбасары Александр Чубаров тәкъдим итте.

Бүген Дәүләт Советы утырышында 2022 елга, 2023 һәм 2024 еллар план чорына Татарстан Республикасы Территориаль мәҗбүри медицина иминияте фонды бюджеты турында республика законына үзгәрешләр кертү хакында закон проекты беренче укылышта һәм тулаем кабул ителде.

Бүген Дәүләт Советы утырышында 2022 елга һәм 2023 һәм 2024 еллар план чорына бюджет турында республика законына үзгәрешләр кертү турында закон проекты беренче укылышта һәм тулаем кабул ителде. Керемнәр 45,5 млрд. сумга, чыгымнар - 52,6 млрд. сумга арткан.

Бүген Дәүләт Советы утырышында парламентарийлар Казан шәһәренең Яңа Савин суд районы буенча җәмәгать судьясын сайладылар. ТР җәмәгать судьясы вазыйфасына кандидатураны ТР Югары суды Рәисе Илгиз Гыйләҗев тәкъдим итте.

Бүген 10.00 сәгатьтә алтынчы чакырылыш Татарстан Республикасы Дәүләт Советының утыз тугызынчы утырышы ачылды.

Бүген Дәүләт Советында, парламентның утыз сигезенче утырышы алдыннан, КПРФ фракциясе утырышы узды, анда депутатлар алда торган утырыш мәсьәләләре буенча фикер алыштылар, 2022 елга эш нәтиҗәләре ясадылар, шулай ук фракциянең 2023 елга эш планын расладылар. Утырышны КПРФ фракциясе җитәкчесе Хафиз Миргалимов үткәрде.

Бүген Казанда онлайн режимда Татарстан Мәгариф һәм фән министрлыгы каршындагы ата-аналар советы утырышы узды, анда профильле министрлыклар һәм ведомстволар, тәрбия эше буенча мәгариф идарәсе органнары вәкилләре, сыйныф җитәкчеләре һәм ата-аналар җәмәгатьчелеге вәкилләре яшь буынны тәрбияләүдә гаилә кыйммәтләренең ролен күтәрү турында фикер алыштылар. Утырышта Дәүләт Советы Рәисе Фәрит Мөхәммәтшин катнашты.

«Бердәм Россия» Үзәк Башкарма комитетында "2023 елда партиянең төбәк бүлекчәләренең агымдагы бурычлары турында» дигән темага селектор киңәшмәсе булды. Видеоконференция режимында әлеге чарада ТР Дәүләт Советы Рәисе, «Бердәм Россия» Бөтенроссия сәяси партиясенең Татарстан төбәк бүлеге Секретаре Фәрит Мөхәммәтшин катнашты.

Дәүләт корылышы һәм җирле үзидарә комитеты депутатларның инициатив төркеменә тәкъдим ителгән редакциядә Татарстан Республикасы Конституциясенә үзгәрешләр кертү турында кертелгән закон проектын кире алырга тәкъдим итте. Мондый карар бүген профильле комитет утырышында кабул ителде.