Яңалыклар

Бүген Дәүләт Советы утырышында оешмалар мөлкәтенә салым турында республика законына үзгәрешләр кертү хакында закон проекты беренче укылышта һәм тулаем кабул ителде.

Агымдагы елның июнендә ТР Иҗтимагый палатасының Дәүләт Советы квотасы буенча расланган өч кешенең вәкаләтләре вакытыннан алда туктатылу сәбәпле, парламентның егерме дүртенче утырышында палатаның яңа әгъзаларын раслау турындагы мәсьәлә каралды.

Бүген Дәүләт Советы утырышында 2022 елга Татарстан Республикасының хезмәт базары үзенчәлекләрен чагылдыра торган региональ коэффициентны билгеләү турында закон проекты беренче укылышта һәм тулаем кабул ителде. Парламентарийлар республиканың Хезмәт, халыкны эш белән тәэмин итү һәм социаль яклау министрлыгының 2022 елда хезмәт мигрантлары өчен керемгә салымны исәпләү өчен региональ коэффициентны раслау турындагы тәкъдимен хуплады.

Татарстан Республикасы Дәүләт Советы Ана капиталын торак шартларын яхшыртуга юнәлдерү кагыйдәләренә үзгәрешләр кертү мәсьәләсе буенча Россия Хөкүмәте Рәисе Михаил Мишустинга мөрәҗәгать итте. 

Дәүләт Советы Иннополис шәһәре территориясендә югары автоматлаштырылган транспорт чараларын эксплуатацияләү буенча цифрлы инновацияләр өлкәсендә эксперименталь хокукый режим урнаштыруны мөмкин дип саный. Республика Хөкүмәте парламентка шундый тәкъдим белән мөрәҗәгать итте.

Бүген Дәүләт Советы утырышында депутатлар җәмәгать судьяларын сайлау һәм җәмәгать судьялары вазыйфаларын башкару турындагы мәсьәләләрне карадылар. ТР Югары суды тәкъдим иткән кандидатуралар бертавыштан хупланды.

Бүген "Татарстан-яңа гасыр" депутат берләшмәсе утырышы узды, анда депутатлар "1941-1945 еллардагы Бөек Ватан сугышы вакытында Татарстан яшьләренең хезмәт батырлыгы" документаль фильмын булдыру барышы турында фикер алыштылар.

Бүген иртәнге сәгать 10да алтынчы чакырылыш Татарстан Республикасы Дәүләт Советының егерме дүртенче утырышы ачылды.

Бүген Дәүләт Советының егерме дүртенче утырышы алдыннан узган “Бердәм Россия” фракциясе утырышында пенсия яшендәге һәм пенсия алды яшендәге затларны эш белән тәэмин итүгә ярдәм итү чараларын гамәлгә ашыру турында сүз барды. Утырышны “Бердәм Россия” фракциясе җитәкчесе Юрий Камалтынов үткәрде.

Бүген Дәүләт Советында КПРФ фракциясе утырышында депутатлар парламентның егерме дүртенче утырышының көн тәртибе мәсьәләләре һәм фракциянең якындагы айларга эш планы турында фикер алышты.